3-in-1 Romanza Omnibus – Katinka se Grotman – Preloved Paperback

Elspeth weet Nick Kleynhans het haar nie as sy sekretaresse gekies nie. Hy verkies meisies met skraps klere. Sy moet vasbyt, onthou sy’s hier oor die pyplyn sendingstasie toe, en veral nie in sy strikke trap nie.

Ná ’n tien jaar lange verhouding moet Kristie hoor die man aan wie sy verloof was, trou met iemand anders. Sy vriend Sebastiaan is gou by om haar die stukke te help optel. Maar nou ja, Sebastiaan was nog altyd daar – “om haar op te pas”, soos hy dit stel.

Die altyd afsydige Sebastiaan sleep haar selfs naweke saam op sy uitstappies. Gou begin hy die man aan wie haar hart tien jaar behoort het, verdring. Maar hy glo nie aan trou nie. En daardie leerlingverpleegster, die mooi jong meisie wat so besitlik teenoor hom optree …?

Lesers van Mari Roberts se Liefdesdroom sal die karakters in Liefdesboodskap herken en nuwes ontmoet.